٤٠ نصيحة من «تمرد» للمتظاهرين فى ٣٠ يونيو

    فاروق الجمل    ٢٤/ ٦/ ٢٠١٣

 

نشر الموقع الرسمى لحملة «تمرد»، الداعى الرسمى لتظاهرات ٣٠ يونيو المقبل والاعتصام المقرر الدخول فيه بداية من هذا التاريخ وحتى رحيل الرئيس محمد مرسى – عددا من النصائح لشباب المتظاهرين الذين ينتوون النزول إلى الشارع والخروج فى المسيرات المختلفة، وكانت النصائح كالتالى:

١ _ﺍﻧﺰﻝ ﺑﻤﻮﺑﺎﻳﻞ ﻣﺸﺤﻮﻥ ﻛﻬﺮﺑﺎء ﻭﺭﺻﻴﺪ.

٢  _اﻧﺰﻝ ﺑﻬﺪﻭﻡ ﻋﺎﺩﻳﺔ ﻭﻭﺍﺳﻌﺔ.

٣_ موبايلك يكون عليه أرقام المحامين المستعدين للتواجد بجانبك تحسبا لحملة الاعتقالات المتوقعة من قبل النظام.

٤_ ﺍﻛﺘﺐ ﻭﺭﻗﺔ ﻭﺣﻄﻬﺎ ﻓﻰ ﺟﻴﺒﻚ ﻓﻴﻬﺎ ﺭﻗﻢ ﻣﻮﺑﺎﻳﻞ أﻗﺮﺏ ﺣﺪ ﻣﻤﻜﻦ ﻳﻠﺤﻘﻚ ﻟﻮ ﺣﺼﻠﺖ ﺣﺎﺟة.

٥_ ﺧﻠﻰ ﻛﻞ ﺗﺮﻛﻴﺰﻙ ﻣﻊ ﻋﺮﺑﻴﺔ ﺍﻟﻬﺘﺎﻑ أﻭ ﺍلإﻋﻼﻡ ﺍﻟﻠﻰ ﻫﻨﻌﻠﻦ إﻧﻬﺎ ﻣﺴﺆﻭﻟﺔ ﻋﻦﺍﻟﻤﺴﻴﺮة.

٦_ اﺳﻤﻊ ﻛﻼﻡ ﻣﺠﻤﻮﻋﺔ ﺍﻟﺘﻨﻈﻴﻢ ﻭﺍﻟﺘﺄﻣﻴﻦ ﺍﻟﻠﻰ ﻫﺘﻜﻮﻥ ﺣﻮﺍﻟﻴﻦ ﺍﻟﻤﺴﻴﺮﺓ.

٧_ ﺃﻭﻝ ﻣﺎ ﺗﺴﻤﻊ ﻫﺘﺎﻑ ﺳﻠﻤﻴﺔ اﻋﺮﻑ إﻥ ﻓﻰ ﺣﺪ ﺑﻴﻬﺠﻢ ﻋﻠﻲ ﺍﻟﻤﺴﻴﺮﺓ ﻟﻮ ﻣﺶ ﻫﺘﺸﺘﺒﻚ ﻭﺗﺪﺍﻓﻊﻋﻦ ﻧﻔﺴﻚ ﻭﻋﻦ ﺍﻟﻤﺴﻴﺮﺓ ﺧﻠﻴﻚ ﻓﻰ ﺍلأﻣﺎﻥ ﻭﻣﺎ ﺗﺠﺮﻳﺶ ﻭﺗﺴﻴﺐ ﺍﻟﻤﺴﻴﺮﺓ وحاول متعملش حاجة تستفز حد حواليك.

٨_أﻭﻝ ﻣﺎ ﺗﺴﻤﻊ ﻫﺘﺎﻑ إﻳﺪ ﻭﺍﺣﺪﺓ عزيزى المتمرد  اﻋﺮﻑ إﻥ ﻓﻴﻪ ﻣﻨﺪﺳﻴﻦ ﻓﻰ ﻭﺳﻄﻨﺎ ملكش دعوة بيهم ربنا ياخدهم.

٩_الهتاف موحد  لقائد المسيرة، وإذا حدثت  ﺍﺷﺘﺒﺎكات  داخل  ﺍﻟﻤﺴﻴﺮﺓ عليك أن تلتزم بالوقوف خلف العلم الأسود المكتوب عليه بالأحمر المجد للشهداء.

١٠_ أما إذا حدث ﻫﺠﻮﻡ ﻣﻦ ﺍﻟﺸﻮﺍﺭﻉ ﺍﻟﺠﺎﻧﺒﻴﺔ ﻧلتزم بالسير  ﻓﻰ ﻣﺠﻤﻮﻋﺎﺕ وليس فرادى.

١١_ فى حالة الهجوم من قبل اللى بالى بالك بالخرطوش لو ملكش خبرة فى التعامل وحماية نفسك لا تدخل فى الاشتباكات.

١٢_كن دائما ﻋﻠﻰ ﺍﺗﺼﺎﻝ ﺩﺍﺋﻢ بمجموعه تعرفوا على بعض وتواصلوا لضمان الاتصال بأقاربك فى حالة حدوث أى ضرر لا قدر الله.

١٣_ القرار جماعى وكلنا شركاء فيه لا تشعر أن هناك من يوجهك كلنا عاوزين الخير للبلد ولا تستمع لأى إشاعة.

١٤_لو حصلت اشتباكات بالطوب أوعى يا عم الحج تضرب من ورا مش هيبقى انت والإخوان علينا.

١٥_ مفيش مولوتوف ولا حد هيضرب بيه وأى واحد تلاقيه شايل حاجة زى كده اعرف إنه إخوان وامسكه بس إوعى تولع فى نفسك.

١٦_ مفيش هتافات لأشخاص ولا مؤسسات ولا اعتصامات فى أماكن غير المتفق عليها.

١٧_ المتحدثين عن الحملة هيتقال عليهم مش أى واحد يطلع فى التلفزيون يمثلنا.

١٨_ صحيح بالنسبة للغاز انت مش محتاج توصيات خلط وخميرتك والاسكرف بتاع زمان.

١٩ _ حاول تكون جنب أصدقائك وقت حدوث الاشتباكات وتجنب الهروب منفردا.

٢٠_ حاول تنزل المسيرات مع أصدقاء ليك وما تنزلش لوحدك.

٢١_ الأصدقاء اللى نازلين مع بعض المسيرات والاعتصام ياريت يتبادلوا أرقام تليفونات الأهل علشان لو حصل حاجة.

٢٢_ ما تخدش أخبار من على فيس بوك أو تويتر من أى مصدر.

٢٣_ إبعد عن الأخبار اللى بتنشرها المواقع والصفحات الإخوانية لإنها هتضللك .

٢٤- تابع الأخبار على صفحة تمرد على الفيس بوك وموقعها الرسمى لأن أى تغييرات فى المسيرات أو التحركات هتتنشر عليها، يعنى ما تخدش أى تعديل من أى حد.

٢٥- حافظ على ثباتك الانفعالى ومتخليش حد يستفزك.. لانه فيه ناس كتير هتندس وسطنا لعمل اشتباكات.

٢٦- إحنا مش بنعادى الشرطة.. يعنى بلاش تبدأ بالاشتباك معاهم إحنا عاوزين نكسبهم فى صفنا.

٢٧- هتافاتنا موجهة لمصر بس.. وبطالب بسقوط الإخوان والرئيس مرسى.. يعنى مش هنهاجم حد أو هنشتم حد.

٢٨ – لازم نحترم المواطنين الملتزمين دينيا «ملتحين ومنقبات» اللى نازلين معانا لإنهم زينا عاوزين مرسى يمشى يعنى نتجنب الاشتباك معاهم أو التحريض ضدهم.

٢٩- نبعد عن أى هتافات عنصرية أو طائفية.

٣٠ – هنرفع شعارنا المفضل «اللى يحب مصر.. ما يخربش مصر».

٣١- وقت الاعتصام لازم تشارك باللى تقدر عليه.. تقف فى لجان شعبيه.. تجيب اكل وجبنه نستو «يا معفنين» وبقسماط للمعتصمين.. علشان احنا مش بناخد تمويل من حد زى ما انت عارف.

٣٢- طبعا الجو حر يعنى مش هنحتاج بطاطين بس هنحتاج مياه كتير فحاول تساعد المعتصمين بانك توفر مياه ليهم.

٣٣- لو انت من سكان محيط قصر الاتحادية ياريت تفتح «النت» وتخليه من غير باص ورد علشان نعرف نتعامل.

٣٤- محتاجين خيام علشان الاعتصام.. ومحتاجين لجان نظام يكون ليها لبس محدد.. فحاول توفر لنا لبس فسفورى زى المستخدم مع عساكر المرور.

٣٥- حاول تتصدى لدخول أى عناصر من الباعة الجائلين لمقر الاعتصام.. هيكون ليهم مكان محدد.

٣٦- تبلغ المسؤولين عن المكان لو لاحظت وجود أى عناصر مشبوهة أو مثيرة للشعب أو بتحمل مولوتوف.

٣٧- تجنب الاشتباك مع ضباط وجنود القوات المسلحة المتوقع نزولهم إلى الشارع أو من ضباط الحرس الجمهورى، لإنهم إخواتنا وأهلنا والجيش المصرى ملك لشعب مصر.

٣٨- انس انتماءك السياسى والحزبى انت نازل علشان مصر وبس.

٣٩- حاول تبلغ فورا المسؤولين عن الاعتصام لو لاحظت وجود أى عناصر مش مصرية فى الميدان خصوصا اللى ممكن يكونوا حاملين جنسيات دول عربية مؤيدة للإخوان.. زى مثلا الإخوة التابعين لحماس.

٤٠- تذكر فى النهاية انك قد تنزل ولن تعود بوس إيد أبوك وأمك ولو والدك إخوان حاول تقنعه ولو رفض بوس إيديه «وبالوالدين أحسانا».

هدفنا نصرة الثورة وإسقاط النظام وليس الانتقام.. مطلبنا الأوحد، الله، الوطن، الثورة، القصاص.