بالفيديو.. نَص كلمة الرئيس فى افتتاح بطولة “أولمبياد المعاقين”: إنشاء 4 مدن لذوى الاحتياجات الخاصة.. ونتمنى أن نقدم لهم أكثر من ذلك.. واحترسوا ممن لا يريدون الخير لنا.. وتحية للملائكة الموجودين معنا

قال الرئيس المصرى عبد الفتاح السيسى، خلال فعاليات الدورة الثامنة للألعاب الإقليمية لأولمبياد المعاقين “اسمحولى فى البداية إن أنا أرحب وأوجه التحية والتقدير والاحترام والمحبة، لضيوف الـ14 دولة اللى موجودين معانا، اللى هما مشاركين فى الألمبياد الخاص، برحب بيهم باسمى وباسم كل المصريين وبقولهم مصر، مصر الحضاءة والتاريخ والإنسانية بترجب بيكم وسعيدة”. وتابع: “كل المصريين النهاردة فرحانين أوى إن الضيوف الكرام موجودين معانا هنا، واسمحولى أتوقف عن الضيوف الكرام، اللى وجودهم أسعدنا جدا وربنا بيقولنا عايزين تشوفوا الملايكة صحيح، طب أنا هخلى الملايكة معاكم، وممكن نوجه التحية للملايكة كلهم اللى موجودين معانا، وأنا كنت بتوقف كثيرا لاختيار واصطفاء ربنا لناس موجودة معانا فى الدنيا هنا وهتبقى معلهاش حساب خالص، مش شر خالص بالعكس كلهم خير وجوراهم خير، وبوجه لهم ولأسرهم فى كل الدول مش بس المنطقة العربية والشرق الأوسط، اللى عندهم ضيوف كرام زى دول، ذو قدرات خاصة موجودين معانا وحوالين مننا ويا رب نعرف ناخد بالنا منهم”. وأضاف الرئيس قائلا “أنا مش عارف أرحب بيهم إزارى أو مصر ترحب بيهم إزاى، لكن اسمحولى إن إقامتهم تبقى فى ضيافة مصر، هى حاجة بسيطة وما بتكلفوش حاجة خلال إقامتهم معانا هنا فى مصر، فاسمحوا أن احنا نستضيفهم هنا كرامة لهم واحتراما”، وتابع “السؤال أنا اتسألته امبارح، أنت هتعملهم إيه، فقولتلهم احنا هنشتغل جامد وهنتحرك بسرعة أكبر علشان نقدر نعمل حاجة، مش ليهم هما بس وكل اللى ظروفهم صعبة، والمعنى ده أرجوا أن يكون يستدعى عن المصريين الحالة ونخلى بالنا كلنا لازم بلدنا تبقى فى أمان وسلام واستقرار أكتر علشان نقدر نعمل كل اللى نفسنا فيه”. واستطرد: “الحقيقة اسمحولى أن أقولكم إنه إن شاء الله احنا بصدد إنشاء 4 مدن لذوى الاحتياجات الخاصة، دا اللى احنا إن شاء الله هنبقى فى كل كيان من دول نعمل مدرسة، على أعلى مستوى، وكمان جمب منها مستشفى ونادى ننقل فيه كل أصحاب القدرات الخاصة اللى موجودين فى المناطق القريبة من مناطق قنا والإسكندرية والإسماعيلية والقاهرة، يروحوا هناك، وكنا نتمنى إننا نعمل أكتر من كدة، وإسمحولى إن نستأذن اللى قدموا أموال لصندوق تحيا مصر وكمان مجلس الأمناء اللى متشكل من فضيلة الإمام الاكبر شيخ الأزهر، وقداسة البابا ورئيس الوزراء ومجموعة من الشخصيات العامة إن إحنا نمول أول مشروع من تحيا مصر لـ4 كيانات دول، وبستأذن المصريين إن احنا نمول ده”. وقال رئيس الجمهورية: “على إن أول حاجة الصندوق يعملها على بيعملها للكرام لأصحاب القدرات الخاصة ودى خطوة على الطريق، وبقول لنفسى ولكل المصريين خلوا بالكم من أهل الشر اللى مش عاوزين أبدا يشوفوا تعمير ولا بناء ولا إصلاح، وإن شاء الله لأجل خاطر أصحاب القدرات الخاصة ربنا سبحانه وتعالى نجا مصر، وهينجى المنطقة كلها من الشر وأهله، وكل التحية والتقدير لكل من ساهم فى الفاعلية اللى احنا حاضريناه النهاردة”، مختتما قائلا “شكرا جزيلا وتحيا مصر.. تحيا مصر.. تحيا مصر والسلام عليكم ورحمة الله وبركاته”.

لمشاهدة الفيديو كاملا ولقراءة المقالة يرجي الضغط  علي الرابط التالي :

http://www.youm7.com/story/2014/12/5/%D8%A8%D8%A7%D9%84%D9%81%D9%8A%D8%AF%D9%8A%D9%88-%D9%86%D9%8E%D8%B5-%D9%83%D9%84%D9%85%D8%A9-%D8%A7%D9%84%D8%B1%D8%A6%D9%8A%D8%B3-%D9%81%D9%89-%D8%A7%D9%81%D8%AA%D8%AA%D8%A7%D8%AD-%D8%A8%D8%B7%D9%88%D9%84%D8%A9-%D8%A3%D9%88%D9%84%D9%85%D8%A8%D9%8A%D8%A7%D8%AF-%D8%A7%D9%84%D9%85%D8%B9%D8%A7%D9%82%D9%8A%D9%86–/1979038#.VILCndKUeuc